الدىمەن ەلىمىزدىڭ ءانۇرانى ورىندالعان سايىس-ساباق قازاقتىڭ ۇلى اقىن, جازۋشىلارىنىڭ قازاق ءتىلى تۋرالى جازىلعان قاناتتى سوزدەرىنىڭ ماعىناسىن اشۋدان باستالدى. سايىستى جۇرگىزۋشى مامان
ەلباسى نۇرسۇلتان ءابىش ۇلى نازارباەۆتىڭ «قازاقستاننىڭ بۇگىنى مەن بولاشاعى – حالقىمىزدىڭ ىنتىماق-بىرلىگىندە, ىرىس-قۇتتى تىرلىگىندە» دەگەن ءسوزىن كەلتىرە وتىرىپ, قازاقستاننىڭ الەمدىك ارنادان الاتىن ورنى, تاۋەلسىزدىك العان كەزەڭنەن بەرگى جەتىستىكتەرى, قازاقستان حالىقتارى اسسامبلەياسى تۋرالى ايتىپ بەردى. ەلىمىزدە وتكەن ماڭعىزدى وقيعالار: استانا ءسامميتى مەن بۇكىلالەمدىك ماڭىزداعى ەكسپو-2017 حالىقارالىق كورمەسىنىڭ ء وتۋ ماڭىزىنىڭ قازاقستاننىڭ حالىقارالىق ارەناداعى ءرولىن, سونىمەن قاتار ەگەمەندىكتىڭ ارقاسىندا قولىمىز جەتكەن ءانۇرانىمىز, تۋىمىز بەن ەلتاڭبامىز, قازاق ءتىلىمىز, ءتول تەڭگەمىز – ماقتانىشىمىز ەكەندىگىن اتاپ كورسەتتى سايىستى ۇيىمداسىترۋشى مامان.
ءبىرىنشى كەزەڭدە ءتارتىپ ساقشىلارى قازاق ءتىلى, وتان, تۋعان جەر, ەل تاۋەلسىزدىگى تاقىرىبىنا ولەڭ وقۋدان سايىسقا ءتۇستى. جوعارى وقۋ شەبەرلىكتەرى جوعارى باعالانىپ, مانەرلەپ وقۋدان ء ىىد تەحنيكالىق قىزمەت باسقارماسىنىڭ قىزمەتكەرى مۇرزاعاليەۆا دينا مەن جىلدام قيمىلدايتىن ارنايى جاساقتىڭ ينسپەكتورى ازيزاەۆ تورەنياز الدا بولدى. ەكىنشى كەزەڭ «تاۋەلسىزدىك شەجىرەسى» دەپ اتالدى. قاتىسۋشىلار «تاۋەلسىزدىك», «استانا», «رامىزدەر» اتتى تاقىرىپتا ء وز بىلىمدەرىن سىنادى. «استانا» تاقىرىبى بويىنشا ەلوردامىزدا وتكەن ماڭىزدى شارالار توڭىرەگىندە وي قوزعاسا, «تاۋەلسىزدىككە» ءسوز كەزەگى كەلگەندە, ەلىمىزدىڭ جەتكەن جەتىستىكتەرى تاريحي قۇندىلىقتارى تۋرالى اڭگىمەلەدى. پوليتسيا قىزمەتكەرلەرىنە جەلتوقسان وقيعاسىنىڭ وتكەن مەرزىمى, وعان قاتىسقان ەر جۇرەك قىزدارىمىز بەن ۇلدارىمىزدىڭ ء ومىرى تۋرالى سۇراقتار قويىلدى. سايىسقا قاتىسۋشىلاردىڭ ءبىرى جەلتوقسان قۇربانى «حالىق قاھارمانى» قايرات رىسقۇلبەكوۆتىڭ ولەڭىن ۇلكەن اسەرمەن وقىپ بەردى. ولەڭدى تىڭداپ تۇرىپ, ءاربىر قىز بەن جىگىت قايراتتىڭ سول كەزدەگى جۇرەك تەبىرەنىسىن سەزىنگەندەي بولدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
